මිනිසුන් ගෙන්, මිනිසුන් විසින් සහ මිනිසුන් සඳහා
බුහුමන් ලැබීමට සුදුසු පිරිමි පුද්ගලයන් මෙන්ම, කාන්තාවන් ද හඳුනා ගනිමින්, දශක ගණනාවක් මුළුල්ලේ පද්ම සම්මාන ඉන්දියාවේ ඉහළතම සිවිල් සම්මාන බවට පත් ව තිබේ. තෙවසරකට පෙර, සමාජය උදෙසා සේවය සැලසීමට කැප වී ක්රිේයා කරන ලද, ඔවුන්ගේ ගුණ නොවැයූ වීරයන් නම් කිරීමට දේශයේ පුරවැසියන් දිරි ගන්වමින්, රජය විසින් සම්මාන සඳහා නාමයෝජනා ක්රිගයාවලිය සුළු ආකාරයකින් වෙනස් කරන ලදී
බටහිර බෙංගාලයේ කල්කටා අවට ප්‍රදේශයේ නගරයක් වන බොල්පුර් හි නේවාසිකයන් ආචාර්ය සුශෝවන් බැනර්ජි හඳුන්වන්නේ “ඒක් තකාර් ඩක්තාර්” (රුපියලේ දොස්තර) ලෙසයි. පසුගිය වසර 47 පුරාම ඔහු රෝගීන්ගෙන් ඉන්දියානු රුපියලක නාමමාත්‍රික ගාස්තුවකට රෝගීන් හට ප්‍රතිකාර ලබා දී ඇත! වෛද්‍ය සෙරින් ලැන්ඩොල්ගේ කතාව ද ඒ හා සමානව දිරිගන්වනසුලු එකකි. ලඩාක්හි ප්‍රථම නාරි රෝග විශේෂඥයා ලෙස ගෞරවයට පාත්‍ර වූ ඇය හට ඇගේ නිල සේවයෙන් කල් පිරෙන තුරුම, 2003 වර්ෂය දක්වා දශක දෙකකට අධික කාලයක් සම්බන්ධ වී සේවය කළ වෛද්‍ය ආයතනය වන, ලේ හි එස් එන් අනුස්මරණ රෝහලේ සෞඛ්‍ය ආරක්ෂණ පද්ධතිය දියුණු කිරීම සහ ප්‍රදේශයේ බෙදා හැරීම්වලින් පහෙන් එකක් සඳහා විශේෂඥ වෛද්‍ය රැකවරණයක් සැපයීම උදෙසා ප්‍රණාම හිමි වේ. එනමුත්, ඇය ලඩාක් හෘද පදනමේ සතිපතා ස්වෙච්ඡා සායන පැවැත් වීම නොකඩවා සිදු කරයි.2020 වර්ෂයේ දී ඉන්දීය රජය විසින් පිරිනමනු ලබන, අද්විතීය සහ සම්භාවනීය සේවය උදෙසා ඉන්දියාවේ පිරිනැමෙන ඉහළතම සිවිල් සම්මාන අතරින් එකක් වන, පද්ම සම්මානයෙන් පිදුම්ලත් පුද්ගලයන් 141 අතරින්, මේ දෙදෙනෙකු පමණි.
පද්ම විභූෂන් (අද්විතීය සහ සම්භාවනීය සේවය උදෙසා), පද්ම භූෂන් (ඉහළ අණ සඳහා සම්භාවනීය සේවය) සහ පද්ම ශ්‍රී ( සම්භාවනීය සේවය සඳහා) ලෙස සම්මාන පිළිවෙලින් ජනරජ දිනයේ දී ජනරජ දිනයේ දී (ජනවාරි 26) නිවේදනය කෙරෙන අතර, සෑම වසරක දී ම සිවිල් සංස්කාරක සැමරුමේ දී මාස කිහිපයකට අනතුරුව එම සම්මාන ප්‍රදානය කෙරේ. මෙම වර්ෂයේ දී, නව දිල්ලියේ දී පද්ම ශ්‍රී සම්මානවලට සාක්ෂි දැරීමේ අවස්ථාව ළඟා කර දුන් ඉන්දියාවේ වීරයන් පිළිබඳ පදනම් වූ ගැටලු මාලාවක් පිළිබඳ ප්‍රශ්නෝත්තර සාකච්ඡාවක් සිදු කිරීමට රජය විසින් කටයුතු කර ඇත. කෙසේවෙතත්, සැමරුම අප්‍රේල් 03 වන දිනට වෙනස් වූ අතර, එය දැන් කොරෝනා වෛරස ව්‍යාප්තිය හමුවේ කල් දමා තිබේ.
නාමයෝජනා කිරීමේ ක්‍රියාවලිය
පද්ම සම්මාන 1954 දී ඉන්දීය රජය විසින් දේශයේ ඉහළතම සිවිල් ගෞරවය වන භාරත් රත්න සමඟ ස්ථාපනය කරන ලදී. එතැන් පටන්, මීට තෙවසරකට පමණ පෙර දක්වා, නිර්දේශන සකස් කරන ලද්දේ අග්‍රමාත්‍යවරයා විසින් වාර්ෂිකව පිහිටුවන පද්ම සම්මාන කමිටුව මඟිනි. වර්තමානයේ දී, අගමැති නරේන්ද්‍ර මෝඩිගේ නායකත්වය යටතේ, නාමයෝජනා ක්‍රියාවලිය මහජනතාවට ද විවෘත කොට ඇති අතර, ස්වයං – නාමයෝජනාවලට පවා ඇරයුම් කෙරේ. 2017, අගෝස්තු 17 වන දින අගමැති මෝඩි ස්වකීය ටිවිටර් ගිණුමෙන් නිකුත් කළ නිල ට්විටර් පෝස්ටුව වූ, “පද්ම සම්මාන මින් පෙර ලබා දුන් ආකාරය මතකද? අපි කුඩා විපර්යාසයක් සිදු කළා – අතීතයේ දී මෙන් නොව, සම්මාන සඳහා ජනතාවට නම් යෝජනා කළ හැකියි” යනුවෙන් මෙම ප්‍රතිමාන වෙනස් කරන තීරණය ප්‍රකාශයට පත් කෙරිණි.
මෙම ජනවාරියේ දී දේශය අමතා අගමැතිවරයා සිදු කළ මාසික ආමන්ත්‍රණයේ දී තමන් ලද ඉතා ප්‍රබල ප්‍රතිචාරය පිළිබඳ, 2014 වර්ෂයේ දී ලද සංඛ්‍යාවට වඩා 20 ගුණයකින් ඉහළ වූ, 46,000කට අධික නාමයෝජනා සංඛ්‍යාවක් ලැබුණු බව අගමැතිවරයා සඳහන් කළේය. “සමස්ත ක්‍රියාවලිය [පද්ම සම්මාන] දැන් විද්‍යුත් මාර්ගගතව සම්පූර්ණ කෙරේ. මින් පෙර තීරණය ගන්නා ලද්දේ තෝරා ගත් කිහිපදෙනෙකු මඟින් පමණි. දැන් එය සම්පූර්ණයෙන්ම ජනතාව විසින් මෙහෙයවනු ලබනවා,” යැයි ඔහු පැවසුවේය.
ගුණ වැයුමක් නොලද විරුවෝ
සමාජයේ යහපත උදෙසා තම දිවි නිහඬව කැප කරන ලද, ගුණ නොවයන ලද විරුවන් ගණනාවක් විසින් ලද, ඔවුනට ලැබිය යුතු ගෞරවය, ජනතාව වෙත නාමයෝජනා ක්‍රියාවලිය විවර කිරීමෙන් ලද විශාලතම සාර්ථකත්වයන් අතරින් එකක් විය. අගමැතිවරයාට අනුව, මෙම වර්ෂයේ පද්ම සම්මානලාභීන් බොහෝ දෙනෙකු ඔවුන්ගේ වෙහෙස මහන්සියෙන් සිදු කරන ලද කර්තව්‍යවල වෑයම ඔස්සේ පිරමිඩයේ පත්ලෙන් නැඟී ආ පිරිසකි. ඔවුන් වටා තිබූ බලාපොරොත්තු සුන්බවෙහි දරුණු වාතාවරණය සහ සම්පත්වල සීමිතබව මඟ හරවා ගනිමින්, ඔවුන් නොසැලී, ස්ථාවරව ඉදිරියට ගමන් කොට තිබේ. නම් වශයෙන් කිහිපයක් දක්වන්නේ නම්, 2020 වර්ෂයේ දී, කේරලයෙන් පැමිණි මූසික්කාල් පන්කාජක්ෂි, පන්ජාබයේ සිට පැමිණි ජග්දිෂ් ලාල් අහූජා සහ රාජස්තානයෙන් පැමිණි ඌෂා චවුමර්ගේ ප්‍රයත්නයන් සම්මානයට පාත්‍ර විණි. පන්කජක්ෂි, කේරලයේ නැසී යන සාම්ප්‍රදායික රූකඩ වේදිකා කලාවක් වන නොක්කුවිද්‍යා පවක්කල් පුරුදු පුහුණු කරන අවසාන ශිල්පීන් අතරින් එක් අයෙකු යැයි පැවසෙයි. ආදරයට ලන්ගර් බබා යනුවෙන් හඳුන්වන, වයස අවුරුදු 84ක් වන අහූජා තනිවම මිලියනපතියෙකු බවට පත් වූ, ඉන්පසු තමන් සන්තකයේ තිබූ සියලු දෑ විකුණා දමා, පසු ගිය දශක දෙක මුළුල්ලේ දුගී දුප්පත් පුද්ගලයන් සඳහා නොමිලේ ආහාර ලබා දීම සඳහා කැපවී ක්‍රියා කරන ලද පුද්ගලයෙකු විය. කසලශෝධකයෙකු වී සිටිමේ සිට සුලාබ් ජාත්‍යන්තර ආයතනයේ සභාපති වීම දක්වා, චවුමර්ගේ ජීවන කතාව ධෛර්යමත්, නොසැලෙන සහ සවිබල ගැන්වීමෙන් සපිරි පුවතකි. ඔවුන්ගේ ප්‍රයත්නයන් සියල්ල පද්ම ශ්‍රී සම්මානයෙන් ගෞරවයට පාත්‍ර වී තිබේ. මොවුන් තිදෙනා මෙන් තවත් ගණන් කළ නොහැකි තරමේ පුද්ගලයන් ගණනාවක් සිටී.
කෙසේවෙතත්, විපර්යාසයේ එවැනි නිහඩ අග්‍රදූතයන් සමඟ, සම්මානයෙන් ගෞරවමානයට පාත්‍ර වූ ප්‍රකට නාමයන් කිහිපයක් සඳහා හිටපු විදේශ කටයුතු ඇමතිනී සුෂ්මා ස්වාරාජ් (නැසී ගිය – පද්ම විභූෂණ), බොක්සින් පුරාවෘත්තයක් වන එම්. සී මේරි කොම් (පද්ම විභූෂණ), සම්භාව්‍ය ගායකයෙකු වන අජොයි චක්‍රවර්ත (පද්ම භූෂණ) සහ බොලිවුඩ් අධ්‍යක්ෂක කරන් ජොහාර් (පද්ම ශ්‍රී ) හි මනාපයන් ඇතුළත් වේ.