سیمه ایزه لاره

سیمه ایزه لاره

په دې ستړي وختونو کې د هندوستان ټوریزم صنعت نوي معیارونو څخه دا هم دي چې یوازې یا د کاروان سره لرې پرتو یا ناپیژندل شوو سیمو ته سفر وکړې او هلته په خیمه یا کورونو کې پاتې شې. په زړه پورې یې دا ده چې د سفر دا ډول د ځايي خلکو سره مرسته کوي ترڅو له مالي پلوه په خپلو پښو ودریږي

په تدریجي ډول د محدودیتونو لرې کولو سره، خلک د فرصتونو په لټه کې دي چې د سلامتۍ لارښوونو سره خپل سفرونه وکړي. په کور او بوټیک کې یوازې پاتې کیږي، دا ځانګړي خاصیتونه خلک خوښوي ځکه چې د تعامل کچه خورا ښکته کوي. ډیر مسلکي کارکوونکي د (ورکیشن) نظریه غوره کړې، یو ټولشموله لیدلوری دی چې د کارکوونکو سلامتیا او ښه کارکرد لاسته راوړي.

ټوریزم نورې د سوداګریو په خلاف، ورکیشن کولای شي د ارزښتناکه پوهې سرچینه اوسي، لکه با تجربه مسلکي کارکوونکي، او دوی د لرې پرتو ټولنو سره نږدې کړي. دا تعامل کولای شي په ښه بڼه مسلکیان وهڅوي چې په داوطلبانه ډول د خپلو تجربو اړوند فرصتونو باندې کار وکړي او پای کې د ټولنې زدکړې او پرمختګ په یو پراخ پروګرام بدل شي.

په راتلونکو میاشتو کې به د یوې با مسؤله ټولنې شاهدان اوسو. د نوې عصر سفرکوونکي د سړک له لارې سفر خوښوي ترڅو یوازې واوسي او ناپیژندل شويو سیمو ته سفر وکړي، او په داسې ځای کې واوسیږي چې د یوازیتوب ځانګړتیاوې او چاپیریال ته درناوی ولري. خلک اوس ويښ شوي، د سیمه ایز چاپیریال، خلکو او اقتصاد ښه والي لپاره اړوندو کارونو کې برخه اخلي. د (سیمه ایزو لپاره آواز) غږ سره، لومړي وزیر نریندرا موډي د هندوستان محلي صنعت کې د ارزښتناکه اضافه والي باندې خبرې وکړې. دا نوښت د سیمه ایزو سوداګریو او ځانګړو سکتورونو ملاتړ کوي چې په مستقیمه بڼه د سفر او ټوریزم سره تړاو لري.

شمالي سفرونه

همالیه تل د هندوستان ښکلي شمالي سرحدونه ساتلي، خو ان په لمنو کې یې هم د تفریح ځینې ښکلي ځایونه شته. یوازې دوه ساعته لرې د شمله تپې استیشن څخه د نارکنډا ښکلی ښارګوټی پروت دی. چې د پراخه پرتو باغونو په لرلو پیژندل کیږي او د هیواد خوندورې مڼې ورڅخه اخیستل کیږي. لږ پیژندل شوی حقیقت دا دی چې د هیمچل ښار ګوټی هرکال د ژمي په موسم کې د تپو لمنو درلودلو سره د اسکي په مرکز بدلیږي. د مونسیاري کوچنی ښارګوټی د همالیه بله مرغلره ده. د کوامون همالیه پر سر کې پروت دی، د شمالی هندوستان لویدیځ – مرکزي سیمې، مونسیاري د څو غرنیو ټولنو کور دی چې په سوله ایز ډول سره اوسیږي.

د لیدلو لپاره لویدیځې سیمې

د هیواد لویدیځې سیمې ځانته ښکلا او د نړۍ لرغونې ځانګړنې لري. خیمسار د راجستان ناګور ولسوالۍ کې یو ارامه کلی دی چې خلکو تراوسه لیدلی نه دی. هغه کلا چې اوس ښکلی هوټل دی، پخواني کلیوال ژوند ته یوه درینڅه ده، او بیا هم د عمومي ښارونو لکه جود پور (100 کیلومتره لرې) څخه لږ واټن لري.

د لیدلو لپاره سویلي سیمې

د هندوستان سویلي سیمې د هیواد شمالي غرنيو سیمو په پرتله په هر ممکن ډول د برابرۍ وړ دي. اوډوپي د کرناټکا ساحلي سیمه یو ځانګړی سویلي ښارګوټی دی چې د نړۍ په سویه مندرونه، ښکلي ساحلونه او شنې منظرې لري. تېکېډي د کیرالا ایډوکي ولسوالۍ کې د وخت تیرولو لپاره یو غوره ځای دی. د ایالت اقتصادي مرکز، کوچي څخه یوازې 190 کیلومتره لرې پروت دی، تېکېډي د پیریار پړانګانو خوندي سیمې کور هم دی، چې د هیواد مشهوره ملي پارکونو څخه شمېرل کیږي.

زړه وړونکی ختیځ

ډاوکي، یو کوچنی کلی دی چې د میګالیا لویدیځ جانټي تپو ولسوالۍ کې د اومګوټ سیند سره پروت دی او د هر ډول سفر کوونکو لپاره غوره ځای دی. دا کلی د هندوستان-بنګلدیش پر پوله پروت دی، او د اومګوټ د سیند کریستالي پاکو اوبو او شاوخوا ښکلي چاپیریال لپاره پیژندل کیږي.

دا ښکلي ځایونه نه یوازې د ټوریزم پیژندل شویو ځایونو ځای نیسي بلکه د هندوستان متنوع او متحرک فرهنګ ښکارندویي هم کوي. ډیرې کمپنۍ د ځوانانو کوچنۍ ډلې روزي او هغوی ته د کلیوال ټوریزم لوړه تقاضا ښیي، موخه یې دا ده چې میلمانه په ځانګړو کلیوالو دودونو او چاپیریال باندې د طبیعت، ځنګلونو او قدم وهلو له لارې پوه کړي چې د تشویش لرې کولو کې هم ښه رول لوبوي. کوچني سوداګرۍ د هیواد سرتاسره موقعیت لري، کولای شي د کلیوال ټوریزم څخه لوړه ګټه پورته کړي، ځکه چې لومړي وزیر موډي هم د ځايي محصولاتو پر کارولو او ملاتړ غږ کړی ترڅو په چټک او ګټور ډول اقتصاد بېرته ژوندی شي.