د پړانګ هیواد
د هندوستان دولت لخوا د یو خپور شوي راپور له مخې د هندوستان د پړانګانو نفوس 60 سلنه ډیر شوی. د هیواد خوندي ساتلو کوښښنو لپاره یوه ارزښتناکه بریا ده ځکه چې د نړۍ نورو برخو کې په چټکۍ سره دا ډولونه له منځه ځي. د ځناورو خوندي ساتونکی دولت سینګ شکتوت خپل ارزونه وړاندې کوي
په وروستیو کې اعلان شوه چې هندوستان د پړانګانو نفوس ډیروالي کې ریکارډ جوړ کړی. په هندوستان کې د پړانګانو وضعیت په اړه د هندوستان دولت 2018 کال راپور له مخې چې د 2020 کال ډیسمبر میاشتې 21مه نیټه کې خپور شو، په هندوستان کې د څلور کلونو موده کې د پړانګانو شمیر په 2014 کال کې د 7,910 څخه په 2018 کال کې 12,852 ته لوړ شوی چې 60 سلنه وده یې کړې. د راپور له مخې د هندوستان 141 پړانګان په شمالختیځه سیمه کې دي، او د شوالیک تپې او ګنګا سیمې 1,253 دانې لري. مرکزي هندوستان او ختیځ سیمط 8,071 پړانګان لري او لویدیځ کې 3,386 دانې پراته دي. راپور دا هم ویلي چې نمونه اخیستنې د کموالي له کبله کیدای شي ثبت شوې شمیره له دې هم لوړه وي. د 1960 لیسزې په وروستیو کې د هندوستان د پړانګانو نفوس مخ په کمیدو شو. د هندوستان دولت او خپلواکه اداره خوندي ساتنې کوښښونو وروسته د پړانګانو شمیره لوړه شوې.د هندوستان ځنګلونو کې نه یوازې پړانګان بلکه نور ځناور لکه زمریانو شمیر هم لوړ شوی دی. اوس د پړانګانو شمیرې سره د نورو ځناورو شمیرې لوړیدل د هندوستان د ځناورو خوندي ساتنې کوښښونو شاهدي ورکوي. د هندوستان لومړي وزیر موډي د پړانګانو خوندي ساتونکو ته په هرکي ټویټ کې وویل: غوره خبر دی! د پړانګانو او زمریانو نفوس د ډیریدو حال کې دی. هغو ټولو ته دې مبارک وي چې د ځناورو خوندي ساتنې برخه کې کار کوي. مونږ باید خپلو کوښښونو ته ادامه ورکړو او ځان ډاډمن کړو چې دا ځناور په خوندي سیمو کې میشت دي.
په هندوستان کې وحشي پیشوګانو 15 ډولونه موندل کیږي، چې لیوپارډ (پنتیرا پردوس) یو د غټو پیشوګانو څخه دی چې خورا ښایست او چټک حرکت لري. دا پړانګان ځانګړي مهارتونه لري او د چاپیریال وضعیت سره ځان برابرولی شي، ځکه تر اوسه یې نسل ژوندی پاتې. د افریقا څخه وروسته دې ځناورو لپاره هندوستان لوی کور دی، او دا حقیقت چې دلته ځناور د ژوند هڅه کوي خورا ارزښت لري، ځکه چې نورو ځایونو کې د دوی ژوند د ګواښ سره مخ دی. دا پړانګان یوازې د همالیا غرونو پرته په ټول هند کې د نورو ځناورو سره موندل کیږي، د راجستان لویدیځې دښتې، د ګجرات کوچ ران او د لویدیځ بنګال سوندربن دلتا کې شته دي. د دوی د اوسیدلو ځان د ګڼ ځنګلونو څخه تر خلاص ځنګلونو او هواره سیمو وي. او همدا راز د ممبی، بنګلور او میسور په څیر ښارونو شاوخوا هم موندل کیږي.د دې پړانګانو بدلیدونکي خواص چې هر ډول چاپیریال سره ځان برابروي، دی انسانانو سره په مستقیمه جګړه اچوي. د دې پړانګانو د راپورونو وضعیت په هندوستان کې د دې ځناورو خوندي ساتلو کوښښونو سره ټکر کوي او نديښنه رامنځته کوي.سیده زیربنايي پروژې او د دې ځناورو پټ ښکار کول د دوی ژوند د ګواښ سره مخ کړی. د چاپیریال ځنګل او اقلیم بدلون وزارت د انسان – پړانګ ټکر او د وضعیت کنټرول په اړه لارښونې جوړې کړي. د دې لارښونو موخه د انسان – پړانګ ټکر کموالی، او د ځناورو د ځای بدلون مخنیوی دی او عاجل ټکر سیناریو اداره کول دي.
د راپور له مخې د پړانګانو لپاره دویم لوی ګواښ سیده زیربنا لکه سړکونه، د اوسپنې پټلۍ، د برق لینونه او کانالونه دي چې د هندوستان اقتصادي پراختیا لپاره اړین دي خو د ځناورو پر ژوند هم ناوړه اغیز لري. دا خطي زیربنا کیدای شي د ځنګله مځکې کمه برخه ونیسي خو په غیر متناسب ډول لوی اغیز لري، چې پایله کې د ځناورو لارې ویجاړوي. هندوستان څو ګامونه اوچت کړي ترڅو د بیلا بیلو موجوداتو ګډ ژوند خوندي کړي او خطي زیربنا ته په داسې بڼه وده ورکړي چې د ځناورو ژوند خوندي او ځواکمن کړي، او عملي ګټور میتودونه کاروي.په ټول هندوستان کې ځنګلونو کې تکنالوژي کارول کیږي ترڅو پړانګان خوندي وساتي او نظارت یې وکړي. د کمرې انځوریز میتود او د راډیويي-غږیز تکنالوژي د دې ژویو د رویې پيژندلو لپاره کارول کیږي. د حیواناتو د ژوندانه په اړه، معلوماتو راټولو کې مرسته کوي، چې دا معلومات د ګواښونو او انسان-حیوان ټکر څخه مخنیوي لپاره کارول کیږي.د هندوستان دولت د ځنګل جوړنې، د ځناورو د ژوند ځایونو پراخوالي، او په اړوند ایالتونو کې د ځناورو د لارو جوړولو لپاره ثابت او دوامداره ګامونه اوچت کړي او دقیق خوندي ساتنې تدابیر یې نیولي. دې دومداره کوښښونو د ځنګلونو پراخوالي او ځناورو نفوس کې د پام وړ ډیروالی راوړی. د هندوستان دولت 2019 کال د ځنګلونو راپور (ISFR) له مخې په ملي کچه 5,188 کیلومتره مربع ځنګلونه ډیر شوي دي، چې د پړانګانو په شمو ټولو حیواناتو شمیر کې ډیروالی راغلی دی.
