همکاري

ITEC: 56 کلن لا هم پیاوړی

مسله 05, 2020

ITEC: 56 کلن لا هم پیاوړی

پیناک رانجان چکرورتي |لیکوال

مسله 05, 2020


پخوانی سفیر پينک رانجان چکرورتي، وايي: د هندوستان تخنيکي او اقتصادي همکاري (ITEC) د پرمختګ ټولو برخو کې د هندوستان نړیوالو همکاریو جوړولو لیدلوری منعکسوي او د هندوستان انځور یې په بیلابیلو برخو کې د پراختیايي همکار په توګه اوچت کړی

د خپلواکۍ وروسته د هندوستان بهرنۍ تګلارې د نورو مستعمره او مخ پر ودې ملتونو سره د یووالي چلند غوره کړی، چې نه یوازې پر مشترک فکر بلکه پر پیاوړي اقتصادي بنسټونو ولاړه تګلاره ده. دې موخې ته د رسیدلو لپاره، یو ځانګړی پروګرام – د هندوستان تخني او اقتصادي همکاريو – پروګرام د هندوستان دولت لخوا په 1964 کې پیل شو چې د ITEC په نامه یادیږي، ترڅو نوي خپلواکه او مخ پر ودې هیوادونو سره په تخنیکي او اقتصادي برخو کې مرسته وکړي. د ITEC پروګرام وړاندوینه پر داسې یو باور شوې وه چې: د دوه اړخیزو انديښنو او خپل منځي تړاو د اړیکو جوړولو لپاره دا اړینه ده چې نه یوازې پر مشترک فکر او هیلو بلکه پر پیاوړي اقتصادي بنسټونو هم کار وشي. تخنیکي او اقتصادي همکاري د اصلي او تصور شوې بهرنۍ تګلارې اړینه برخه ګڼل کیدله. ITEC چې په بشپړ ډول د هندوستان دولت لخوا تمویلیږي، د هندوستان د بهرنۍ تګلارې اصلي برخه ده، او د هندوستان د نرم ځواک ډیپلوماسۍ ارزښتناکه غړي په توګه عمل کوي، دا هغه جمله ده چې کلونه وروسته په 1980 لسیزه کې نړیوالې ډیپلوماټیکه کلیمو کې اضافه شوه.

د هندوستان لومړي وزیر (چې شین بیرغ یې لاس کې دی) په 2017 کال کې د باهیراپ او ټیټاس د اوسپنې پټلۍ پر دویم پول کار پیل کړ. دا پلونه ډاکه (بنګلدیش) او کلکته (هندوستان) سره نښلوي. د بهرنیو چارو وزیر سوبرمنیام جیشانکار (د ښي څخه دویم) هم موجود و

سیمه ایزې اړیکې

ITEC د تقاضا پر بنسټ ولاړ پروګرام دی او د تکنالوژيکو همکاریو پر هغو نوښتونو یې تکیه کړې چې د مخ پر ودې هیوادونو اړتیاوې پوره کوي. د دې پروګرام لګښت د پیل څخه تر اوسه د 2 میلیارده امریکايي ډالرو څخه ډیر شوی، چې د شاوخوا 160 هیوادونو  څخه زدکوونکو او مسلکي خلکو ګټه اخیستې. د ITEC په خپل طبیعت کې دوه اړخیزه پروګرام دی. خو په وروستیو کلونو کې، د ITEC سرچینې د هغو همکاریو پروګرامونو لپاره په کار واچول شوې چې سیمه ایزه موخه یې لرله لکه د افریقا لپاره د ملګرو ملتونو اقتصادي کمیسیون، د انګلستان عامه پانګې سکرتریت، UNIDO، د 77 او G-15 هیوادونو ګروپ. د ITEC اصلي موخه دوه اړخیزه اړیکې دي خو سیمه ایز بعدونه هم لري چې د سویلي آسیا ملتونو ټولنه (ASEAN)، د څو اړخیزه تخنيکي او اقتصادي همکاري لپاره د بنګال ساحل نوښت (BIMSTEC)، د میکانګ-ګنګا همکاري (MGC)، افریقايي اتحادیه (AU)، د آسیا-افریقا کلیوالې پراختیا سازمان (AARDO)، د پان افریقا پارلمان، د کارابین ټولنه (CARICOM)، نړیوال سوداګریز سازمان (WTO) او د سیمه ایزو همکاریو لپاره د هندي اقیانوس ریم ټولنه (IOR-ARC) او د هندوستان-افریقا بنسټ ناستې ته ورته پروګرامونو او سازمانونو سره همکاري لري.

هغه بهرني زدکوونکي چې د ITEC بورس پروګرام په چوکاټ کې یې د هندوستان څخه لیدنه وکړه؛

د کلونو په تیریدو د ITEC پروګرام پراخه شوی او وده یې کړې. د ITEC او دې پروګرام ته ورته د SCAAP پروګرام (د ګډو ګټو افریقايي هیوادونو د مرستې ځانګړی پروګرام) لاندې، 161 هیوادونه په اسیا، افریقا، ختیځې اروپا، لاتینې امریکا، کارابین، پاسفیک او کوچني جزیره اي هیوادونو ته بلنه ورکړل شوې چې د هندوستان پراختیايي تجربې څخه ګټه واخلي. دې ګډې تجربو کې ملکي او نظامي، پروژې، مشورې او د امکان سنجي مطالعې، د هندي متخصصینو لیږل بیلابیلو برخو کې، د همکار هیوادونو ته د مطالعې سفرونه د رسمي کاروکوونکو او زده کوونکو لپاره، د تجهیزاتو ورکړه د تحفې یا خیرات په څیر او د طبیعي افاتو لپاره مرستې شامل دي.

د ټریننګ ماډلونه

د ډیجیټلي تکنالوژي ټریننګ یوه ځانګړې برخه ده چې هندوستان یې د ITEC په چوکاټ کې، د ظرفیت لوړوالي برخه کې خلکو ته وړاندې کوي. د مخ پر ودې هیوادونو مسلکي خلکو لپاره د هندوستان غوره مرکزونو کې په دواړه ملکي او دفاعي برخو کې ځانګړي کورسونه تدریس کیږي. د ملکي برخې ټریننګونو کې، د IT، کلیوالې پراختیا، او د سوداګریز نوښت پارلماني عملونه، بحري او هوايي انجنیري او داسې نور شامل دي. د دفاع برخې ټریننګونو کې،  امنیت او ستراتیژيکې مطالعې، د دفاع مدیریت، بحري او هوايي انجنیري، لوژیستیک او مدیریت او داسې نور شامل دي. د کال شاوخوا 12000 د زدکړې اوږدمهاله او لنډمهاله بورسونه د ITEC پروګرام لاندې ورکول کیږي. همکار هیوادونه آزاد لاس لري چې د خپل شخصي او پرمختګ اړتیاوو اړوند کورسونه انتخاب کړي. ډیری هغو چې هندوستان کې زدکړې کړي یا ټریننګ لیدلی، د خپل هیوادونو سیاسي، اداري او نظامي برخو کې یې پرمختګونه کړي دي، له همدې کبله د خپل هیواد پرمختګ کې رول لوبولی او د هندوستان سره هم نږدې اړیکي ساتي. د دې پروګرام لاندې د بیلا بیلو فعالیتونو په ترڅ کې، د هیوادونو منځ کې د هندوستان وړتیا په اړه یو ښکاره پوهاوی شته چې کولای شي تخنیکي همکاري او تخصص او د ټریننګ فرصتونه، مشورتي خدمات او د امکان سنجي مطالعې برابرې کړي. دې پروګرامونو حسن نیت ښوول او مخ پر ودې هیوادونو سره یې دوامداره همکاري رامنځ ته کړې.

د کریډیټ اخیستنې کرښې

د ITEC یو ارزښتناکه برخه د کریډیټ اخیستنې کرښې (LoC) دي، چې په نرم ډول د اړین اجناسو او خدمتونو واردولو، ټولنیزې ښېګڼې او زیربنايي پروژو لپاره همکار هیوادونو ته وړاندې کیږي. د هندوستان سویلي آسیا ګاونډیانو د LoC لاندې 70 سلنه بودیجه اخیستې. د ITEC پروګرامونو کې هندوستاني شرکتونه برخه اخلي او بیا وروسته د هغو زیربنايي پروژو تطبیق هم کوي چې د LoC او ITEC سره هیڅ تړاو نه لري. د ITEC-LoC همکاري ملګرتیا او یووالی رامنځ ته کوي، او د همکار هیواد ملي ملکیت ښکارندويې کوي ځکه دا فعالیتونه داوطلبانه دي او کوم شرط نه لري. د کویډ-19 وبا پرمهال، ډیری بهرنیو زده کوونکو ونشو کولای چې کور ته ستانه شي، د هغوی دوامداره اوسیدلو لپاره سهولتونه برابر شول.

د منګولیا پلازمینه اولان باتر کې، د منګولیا ساینس او تکنالوژي پوهنتون، IT مرکز کې، لومړی وزیر نریندرا موډي د اتل بیهاري واجپايي د غوره والي مرکز بنسټ تیږې څخه پرده پورته کوي

د ITEC ودې ته په کتو د بهرنیو چارو وزارت په 2011 کال کې د کار برابرول یوه مدیریتي جوړښت لپاره د ITEC او LoC مدیریت د نوې ادارې چوکاټ کې کړ چې د پراختیايی همکاري ادارې په نامه یادیږي. نن ITEC/LoC د هندوستان د پرمختیايي لاسرسي او ډیپلوماسي یو بنسټ ګڼل کیږي، چې د “واسودایوا کوتومبکم” یا نړۍ زما کور دی، میراثي تمدن رنګ یې اخیستی.

پیناک رانجان چکرورتي

پیناک رانجان چکرورتي د هندوستان پخوانی سفیر او د هندوستان دولت د بهرنیو چارو وزارت دایمي سکرتر دی. هغه اوس د نظارتکوونکي څیړنیز بنسټ Observer Research Foundation لیدونکی غړی دی، چې په نوي ډیلي کې مخکښ هندوستانی فکري مرکز Think tank دی، او په منظم ډول په رسنیو نیوکې او نظرونه لري.
error: Content is protected !!