هندوستان او انګلستان یوبل سره کار د ګډې نیکمرغۍ لپاره
د هندوستان لومړي وزیر نریندرا موډي او د انګلستان لومړي وزیر بوریس جانسن د 2021 کال مې میاشت کې مجازي ناسته لرله او د ساینس، پوهنې، څیړنې او نوښت برخه کې د پراخې ملګرتیا ګډه ژمنه وکړه، پخوانۍ ډیپلوماته روچي ګانشیام لیکي
د 2021 کال د مې میاشت پر 21مه د هندوستان او انګلستان لومړي وزیرانو تر منځ د مجازي ناستې له لارې د دواړو هیوادونو دوه اړخیزه اړیکو تاریخي پرمختګ وکړ. د هندوستان لمړي وزیر نریندرا موډي او د انګلستان لومړي وزیر بوریس جانسن د هندوستان او انګلستان ترمنځ د نوې او بدلون وړ جامع ستراتیژیکي همکارۍ هوکړه وکړه او د راتلونکو لسو کلونو همکارۍ لپاره یې د هندوستان-انګلستان 2030 لارې نقشه په لاره واچوله. دواړو مشرانو، د مخ پر ودې نړیوالې وبا شتون سره د راتلونکو اړیکو او مجازي ناستې لپاره یو لوی پلان جوړ کړ، چې د راتلونکي دوه اړخیزه اړیکو لیدلوري لپاره د دواړو خواوو ژور تمایل څرګندوي. دوی د مخابرات/ICT او د ډیجیټلي تکنالوژي کې د همکارۍ نیت، د تکنالوژي نوې لوړپوړه بحثونه، په ګډه د کویډ-19 نوې چټکه څیړنه، د هوا او اقلیمې ساینس د پوهې پراختیا لپاره نوې پانګونه، او د انګلستان-هندوستان تعلیمي او څیړنیز نوښت (UKIERI) تداوم لپاره په ګډه د انګلستان-هندوستان تړونلیک لیک لاسلیکولو هرکلی وکړ. دواړو مشرانو هوکړه وکړه چې د انګلستان-هندوستان واکسینونو شته همکاري ته پراختیا ورکړي، د آکسفورد پوهنتون، آسترا زنیکا او د هندوستان سریوم انسټیټیوټ بریالۍ همکاري یادونه وکړه چې د کویډ-19 واکسین ته انګلستان کې پراختیا ورکړل شوې، هندوستان کې جوړ شوی او په نړیواله کچه ویشل شوی دی. د راتلونکو میاشتو او کلونو لپاره د خلکو-او-خلکو تر منځ تماس او په څو برخو کې پراخه اړیکي چې پرمختګ یې د بهرنیو چارو وزیرانو د کلنۍ ستراتیژیک مرور لاندې وي او په ګډه یې لومړي وزیرانو ته راپورونه ورکړي.
اقتصاد او سوداګري
هندوستان او انګلستان ژوندۍ اقتصادي همکاري لري. د دواړو خواوو سوداګري په 2019-20 کال کې 15.4 میلیارده امریکايي ډالرو ته رسیږي. د نړۍ پنځم او شپږم لویو اقتصادونو ترمنځ سوداګري په ځانګړي توګه د اروپايي اتحادیې څخه د وتلو پر مهال انګلستان کې شته جوړ شوي فرصتونو ته په کتنې دا سوداګري لا هم په ښه کیدو ده. د پراخې سوداګرۍ همکاري (ETP) پیل په تړاو یوه اعلامیه لاسلیک شوه چې د دې له مخې به د آزادې سوداګرۍ هوکړه باندې مذاکره کیږي او موقتې سوداګرۍ هوکړه هوکړه به د وختي ګټو لپاره په نظر کې نیول کیږي. د دواړو هیله ده چې تر 2030 کال کې دوه اړخیزه سوداګري د دوه چنده څخه لا هم ډیر شي. د دې موخې لاسته راوړلو لپاره ځینې عملي ګامونه هم په نظر کې ونیول شول. که تطبیق شي نو دا کارونه به په هندوستان کې په مستقیمه او غیر مستقیمه بڼه د 20,000 څخه تر 25,000 دندو لامل شي. د دواړو هیوادونو ترمنځ د پانګونې ښې اړیکې موجودې دي. اته سوه او پنځوس پیژندل شوې هندي کمپنۍ په انګلستان کې په ګډه 50.8 میلیارده پونډه ګټه لري. او په 2019-20 کال کې یې 116,046 کسان په کار ګمارلي، او په ورته ډول 572 انګلیسي کمپنۍ چې هندوستان کې پیژندل شوي په 2019-20 کال کې په ګډه 3,390 میلیارده هندي روپۍ ګټه راوړې. نوې او د بیا نوې کیدو وړ انرژي، نوښتي صنعتونه، پرمختللې انجنیري، د کرنې تکنالوژي، روغتیايي پاملرنه او د ژوند ساینس، درمل جوړونې، زیربنا، د اوسپنې آلات، د موټرو او کرنې انجنیري، دفاع او خوړو پروسس صنعت ته لومړیتوب ورکړل شوی. او دې سره د تولید سره تړلې تولیدي طرحه انګلیسي کمپنۍ هڅوي چې هندوستان کې پانګونه وکړي.
په روغتیا کې لاسنیوی
په روغتیايي برخه کې د هندوستان او انګلستان پیاوړې همکاري روانه ده. انګلستان لومړی هیواد و چې د هندوستان کویډ-19 وبا دویمې حملې ته یې ځواب ورکړ، او اړین طبي وسایل لکه د آکسیجن بالونونه او وینټیلټرونه یې راولیږل. هندوستان هم د انګلستان درملو اړتیا ته د هغوی کویډ-19 لومړي دور کې ځواب ووایه او پرستامول یې ولیږل. د دې وبا یوازینی مثبته پایله کیدای شي د اکسفورډ پوهنتون، استرازنکا او د هندوستان سیروم انسټیټیوټ ترمنځ همکاري وي. د کویډ-19 او نورو ناروغیو واکسین، درملنې او تشخیص برخه کې د ملګرتیا پراختیا د ژورې همکارۍ لامل کیږي.
ګډ نوښت
د ملتونو پرمختګ لپاره ساینسي څیړنې او نوښت اړین دی. انګلستان په نړیوال معیارونو برابر پوهنتونونه لري او د نوښت ځواک یې څرګند دی. د څیړنې او نوښت برخه کې د هندوستان دویم لوی ملګری دی. د د واړو هیوادونو غوښتنه وه چې روانه همکارۍ یوه طبیعي پایله ولري او نوې برخو لکه مخ پر ودې تکنالوژي، ډیجیټل او ICT تولیدات او د زنځیري تامیناتو پوره کولو کې نظارتي او تخنیکي همکاري ته پراختیا ورکړي. د هندوستان-انګلستان یو نوی ګډ نړیوال نوښت ملګرتیا اعلان شوه چې له مخې یې ټولشموله هندي نوښتونه یو څو ټاکلو مخ پر ودې هیوادونو ته انتقال شي. دا اړیکې به د شین هایدروجن ګډ مرکز او د مصنوعي ځیرکتیا ارزښتناکه همکاري سره لا نور هم ژورې شي.
په چاپیریال غور
دواړه هیوادونه چاپېرېال ساتنې ته ژمن دي او غواړي د پاریس هوکړې موخې لاسته راوړي. هندوستان او انګلستان په خپله تګلاره کې د اقلیم اقدام او د سږکال وروستیو کې د COP26 پر مهال د نړیوال شین ګریډ نوښت لپاره ګډ کار او ګډه مشري کوي چې د هندوستان یو لمر، یوه نړۍ، یو ګريډ موخه لاسته راشي. دواړه ملتونه د ساحلي باد انرژي او بريښنايي موټرو پرمختګ لپاره په ګډه ښه ګامونه پورته کړي او همدارنګه به دوی دواړه به په ګډه د طبیعي پيښو پر وړاندې د زیربنا ایتلاف مشري کوي. انګلستان به سږ کال په ګلاسګو کې د COP26 کوربه وي او هلته به دواړه هیوادونه لا نور هم پر اړوند موضوعاتو خبرې وکړي.
د دندو فرصتونه
دواړو هیوادونو د کډوالۍ موضوعاتو همکاري لپاره د کډوالو او بې ځایه شویو هوکړه لیک له لارې نوی سپرکی پرانیست، چې له دې پلوه به انګلستان کې هرکال 3000 ځوان هندي مسلکیانو ته پرته د کاري مارکیټ ازمایښته د دوه کلونو لپاره په انګلستان کې د کار جواز ورکړي.\ د 2005 کال جامع ستراتیژيکې ملګرتیا هوکړې راهیسې دا لمړی ځل دی چې د هندوستان-انګلستان رسمي اړیکو کې د 2030 پلان له لارې نوی باب پرانیستل کیږي، او د کویډ-19 وروسته نړۍ لپاره د ستراتيژيکې عجلې ډیر اړین تنظیمات لري. د راتلونکي پراخه همکاري سره، هندوستان او انګلستان دواړه تیار دي چې د اوږدمهاله ملګرتیا نمونه بدله کړي. د اوسنۍ ملګرتیا ساتلو لپاره، لومړي وزیر جانسن د لومړي وزیر موډي څخه وغوښتل چې د 2021 کال جون میاشتې د G7 ناسته کې په کارنوال کې ګډون وکړي چې هندوستان بیا د میلمه هیواد په توګه ورکې په مجازي ډول ګډون وکړ.
