مستي شروع
د زړه راښکونکو کیسو، بې څارو اجراګانو نندارتونونه او د تازه محتوياتو غوښتنه او په لاره تفریحات، د انلاین خپرونو چوکاټ په هند کې د کور دننه تفریح راتلونکی دی
یو بې وزله پلار پریکړه کوي چې چې د اندام ورکوونکي ووژني ترڅو د خپل زوی ژوند وژغوري؛ یو روښانه ځوان هلک د هغه جرم لپاره زندان ته ځی چې دې کړی نه دی؛ د ډیلي د دوه ودونو کوونکو د خپلو شخصي ناخوالو او ټولنیزو رقابتونو له امله چې لوی ودونه تیار کړي په خپل منځ کې جګړه لرله؛ د دوی ورونه او خویندې وروسته له دې چې له ژوند څخه لاس په سر شول پر سرک باندې یې د سفر اراده وکړه؛ دوه کسه د خپل اصلي استوګنځای څخه ممبۍ ته راغلل ترڅو د خپل پلار خوب ریښتیا کړي چې له دوي څخه د نړۍ په کچه د کرکټ لوبغاړي جوړ کړي؛ یوه بدماش د یوه صادق پولیس سره اړیکه نیسي او ورته وایې چې ممبئی به په راتلونکو 25 ورځو کې له منځه یوسي. دا د نه باورکولو ځینې کیسې دي چې د دوه زرم کلونو خلکو د تليفون په سکرین ساتلي
هندي لیدونکو د انټنټي سریالونو لیدلو لړۍ یو بل پسې شروع کړې ده. د زړه راښکونکو کیسو، بې څارو اجراګانو نندارتونونه او د تازه محتوياتو غوښتنه او په لاره کې د لیدلو واک، د انلاین خپرونو چوکاټ، یا د څه باندې پورته (OTT) لکه څنګه چې پرې یادیږي، په هند کې د کور دننه تفریح راتلونکی دی. د آنلاین تفریحي صنعت ناڅاپه اوچتیدل د ټیکنالوژۍ وده، د انټرنټ ټیټ نرخونه، او د زیرک تیلیفونونو په کارولو کې زیاتوالي پورې منسوب کیدی شي.
د نه باور وړ کیسو جوړول د دا ډول کارونو په ګټه دي. کوم ډول کیسې چې وړاندې کیږي، نه یوازې مختلفې او تازه دي، بلکې په زړه پوري او ښه چمتو شوي دي. ډیر بدلون ورکې راغلی او د ساس-بهاو اوپراګانو څخه ډیرې ښې دي. نظرونه اصلي دي، څیرې نوې دې او کریکټرونه یې د پام وړ تړاو لري. د انلاین خپرونو خدمتونو د سیمه ایزو محتوا، مستند فلمونو او لنډ فلمونو څخه نیولی تر نړیوالو فلمونو او نندارتونونو پورې لیدونکي پر دې قادر کړي چې نوي کلتورونه د بیلابیلو محتویاتو له لارې وګوري.
د هنګامه ډیجیټلي رسنیو بنسټ ایښودونکی او اجرایوي رییس نیراج رای وايي چې د ډیجیټلي خدمتونو ورکړې هندي لیدونکو ته د ډول ډول کیسو ته د لاسرسي وړتیا ورکړه، هغه کیسې چې دوي تر اوسه د هند په سکرینونو کې لیدلې نه وې. رای وايي: “هندي کیسې جوړونکي هم یو داسې چوکاټ ته لاسرسی لري چې دوی ته یې د لوی انعطاف وړتیا ورکړې او دوی ته د هغې فلسفې جوړولو ته اجازه ورکوي چې په روایتی ماډلونو کې نشته”. د لیکوال ناونیل چکربورتي، (تور تاسره ښه ښکاري) کتاب چې د آلټ بالاجي نوي انټرنټي سریال پرې جوړ شوی وایې چې ډیجیټلي فضا په لیدونکو او تولیدوونکو دواړو اثر کړي چې ډیر وګوري او ډیر تولید کړي.
آنلاین ډول خورا ډیر ښه کیسې ته اړتیا لري چې پرته له دې لیدونکې بیا بله برخه نه ګوري. همداراز یې لیکوالانو ته سینمايي خپلواکي هم ورکړی چې د پیسو عوایدو فشار پرته فکر وکړي. د تفریح د غوره سرچینو سربیره، ډیری بریالي انټرنټي سریالونه د هیواد د ځوانانو غږ په توګه راڅرګندېږي. د بیلګې په توګه، (په جنت کې جوړ شوی) سریال په ټولنیز سیسټم، پلارتوب، جنسي، کلاس درلودلو او همجنس بازي کې چټک پرمختګ لري.
هرڅوک چې د ښو کیسو نظرونه، او ښه محتویات او اړینې سرچینې د خپل پراخ OTT چوکاټ په توګه د مبایل اپلیکیشن کارولی شي. د ویرل فیورTVF د بریا کیسه یوه بشپړه موضوع ده. د یوه پراخ لیدونکي یوټیوب چینل څخه نیولی تر یو خپلواکه خپروندوی چوکاټ، دې انلاین انټرنیټي شرکت یوه د بریا اوږد مسیر سرته رسولی او بریالۍ خپرونې لري لکه د Tripling او permanent Roommates په څیر. د TVF محتویاتو څانګې مشر سمیر سکسینا وایي چې دا کمپنۍ د هند لومړۍ خپلواکه انټرنټي چوکاټ په پیل کې پوهیدله چې ډیجیټل راتلونکی دی.
سکسینا وایي چې د لیدونکو ساتلو لپاره بې عیبه لیکلو ته اړتیا ده. “موږ باید په پام کې ولرو کله چې خلک خپل د لید سریالونه خوښ نکړي نو نورو سریالونو ته رجوع کوي.” هغه په دې باوري دی چې انلاین پلټفارم د سریال لیکونکو لپاره نوې لارې پرانیستې دي. سکسینا چې خپله یې د سایټ په ډیرو سریالونو کې لیکل، لارښوونه او نمایش کې برخه اخیستې داسې وایي: “ډیر لیکوالان وو چې د تلویزیون یا فلمونو لپاره یې لیکل نه غوښتل. او د آنلاین لیدو سایټونو شهرت دوی ته بدیل دی. دې کار تکړه لیکوالان چې د لیک ښه وړتیا لري دې ته هڅولي چې خپل د خوښې لار ته ادامه ورکړي”.
TVF سږ کال درې نوي سریالونه او فلمونه بازار ته وایستل چې Immature ،Tripling فصل 2 او کوټه فابریکه دي. سکسینا وایي: “د کوټه فابرکې ځواب په بشپړ ډول اعلی وو، موږ د لومړي ځل لپاره د هندوستان توراو سپین سریال جوړ کړ ځکه چې موږ د خپلو کارونو سره تجربې کول خوښوو. دا یوه عمدي هڅه وه چې سریال په تور او سپینه بڼه نندارې ته وړاندې شي ترڅو په کوټه کې د زده کونکي د ژوند ټیټوالی او لوړوالی څرګند کړي.” د TVF لخوا چمتو شوي نندارو ځانګړنه دا ده چې حقیقت سره تړاو لري. نوموړی شرکت د ځوانانو په اړه د محتوياتو په جوړولو تمرکز کاوه چې یو سریال یې د Yeh Meri Family په نامه نندارې ته وړاندې کړ ترڅو د ټولې کورنۍ سره ترې خوند واخیستل شي.
په ريښتیا سره د انلاین نندارو چوکاټ (پلټفارم) د هغه کیسو په اخیستلو د ټولنې نوې غږ دی چې پخوا یې په عامو رسنیو کې د خپریدو ځای نه وو. دې پلټفارمونو هندي لیدونکي د نوي تازه لوبغاړو، لیکوالانو او ډایریکټرانو سره معرفي کړل. دا کار په پراخه کچه منل شوی دی او دا به د کیسو ویونکي و هڅوي ترڅو داسې مواد چمتو کړي چې ټولنې ته بدلون ورکړي